棗吃棗著

初嚟埗到，最緊要就係醫肚。遠遠見到間賣棗嘅專門店，梗係即刻走入去「觀察」一下。

個女售貨員不停咁畀我地試食，原則上試混哂全店嘅棗；佢見我地食到一口甜笠笠，就畀埋杯咖啡我地送口。

試食後嘅結論係：除咗 Ajwa 同 Mahjool兩款之外，其餘嘅皮都有衣，感覺好似食紙咁，口感麻麻。聽售貨員講，最靚嘅棗都係產自沙地阿拉伯嗰邊。以味道、口感嚟比較的話，Mahjool/Medjool 就最受歡迎；而Ajwa就以佢嘅藥用功能最聞名。個售貨員話Ajwa可以醫血壓高，糖尿病等云云；不過我唔肯定以佢有限嘅英文，佢真正嘅意思其實係唔係連糖尿病都食得而唔係醫得好呢？

佢最神奇嘅說法係Ajwa棗連去瘀都得，但食法就非常特別，每日只能食單數嘅份量，例如一日內可以食一粒丶三粒或五粒之類；雙數就無効咁話喎！

左前方黑色細細粒嘅係Ajwa；後面大粒嘅就係 Mahjool