男人的浪漫
香港男人嘅浪漫係豆腐火腩飯，阿布扎比嘅男人就連買個麵包都令我覺得有好強烈麻甩佬味道嘅浪漫！
頭兩晚晚飯後出巡嘅時候，見到區內好多間飛髮舖都人頭湧湧，原來呢區嘅男人好興飯後去飛髪；又可能係工作時間太長嘅關係，要好夜先得閒去啩。不過觀乎剪同被剪嘅人面上嘅表情，都非常愉快，有講有笑，連排隊嘅都笑得好開心，根本就似聯誼會多個飛髮舖。
再行落去就見到好多釣魚用具店，因為我地住喺海旁附近嘅關係，呢類嘅舖頭林立。有時見到單人匹馬丶亦有結伴同行嘅男人入去選購；無論佢地係唔係識貨之人都好，都會擺出一副好專業嘅表情，好認真咁打量D用具。有時我懷疑佢地一齊去吹噓先至係活動嘅主要目的。
另外就係買麵包喇，我喺周街蹓躂嘅時候，見過三間舊式麵包舖，我一行埋去就覺得D男人反應好大，再環顧四週，原來係冇女人嘅！其中一間有賣多種傳統款式嘅麵包，我見到兩個著西式恤衫嘅男人喺度好凝重咁揀緊麵包，但又三心兩意，左䠮右騰，簡直就好似要做重要嘅商業決定咁様！
感覺上，買麵包似乎對本地男人係一份帶有自我肯定嘅任務，因為我見佢地係一次過買好多麵包，應該係買畀全家人食嘅。無論係比較高檔少少嘅麵包店定係街邊嘅舖頭仔，我都見排緊隊買麵包嘅男人面上戴有一絲絲嘅自豪感。
估勿論買麵包好丶飛髮好丶買釣魚工具也好，總覺得呢班男人好享受自己做緊嘅嘢。我懷疑其中嘅原因會唔會係冇女人喺身邊，多咗份自在，可以悠然自得呢?
頭兩晚晚飯後出巡嘅時候，見到區內好多間飛髮舖都人頭湧湧，原來呢區嘅男人好興飯後去飛髪；又可能係工作時間太長嘅關係，要好夜先得閒去啩。不過觀乎剪同被剪嘅人面上嘅表情，都非常愉快，有講有笑，連排隊嘅都笑得好開心，根本就似聯誼會多個飛髮舖。
再行落去就見到好多釣魚用具店，因為我地住喺海旁附近嘅關係，呢類嘅舖頭林立。有時見到單人匹馬丶亦有結伴同行嘅男人入去選購；無論佢地係唔係識貨之人都好，都會擺出一副好專業嘅表情，好認真咁打量D用具。有時我懷疑佢地一齊去吹噓先至係活動嘅主要目的。
另外就係買麵包喇，我喺周街蹓躂嘅時候，見過三間舊式麵包舖，我一行埋去就覺得D男人反應好大，再環顧四週，原來係冇女人嘅！其中一間有賣多種傳統款式嘅麵包，我見到兩個著西式恤衫嘅男人喺度好凝重咁揀緊麵包，但又三心兩意，左䠮右騰，簡直就好似要做重要嘅商業決定咁様！
感覺上，買麵包似乎對本地男人係一份帶有自我肯定嘅任務，因為我見佢地係一次過買好多麵包，應該係買畀全家人食嘅。無論係比較高檔少少嘅麵包店定係街邊嘅舖頭仔，我都見排緊隊買麵包嘅男人面上戴有一絲絲嘅自豪感。
估勿論買麵包好丶飛髮好丶買釣魚工具也好，總覺得呢班男人好享受自己做緊嘅嘢。我懷疑其中嘅原因會唔會係冇女人喺身邊，多咗份自在，可以悠然自得呢?
Comments
Post a Comment